LOMO Renegade

Eftir að hafa skoðað og pælt heilmikið í þurrgöllum - ákvað ég að smella mér á galla sem heitir Renegade og er framleiddur af LOMO í Skotlandi. Merki sem ekki margir þekkja hér - en ég tók sénsinn - og sé ekki eftir því. Gallinn er bara fáanlegur í einni litasamsetningu - gult/svart. Hann er ekki Gore-Tex. Rennilásinn er þvert á bakinu og svo er pissulás að framan og tvöfalt lag þar sem svuntan fer undir. Háls- og úlnliðstúttur eru úr latexi - ásamt sokkunum.

Five Ten Water Tennie

Jæja - orðið allt of langt síðan eitthvað gerðist hér.

Ég er alltaf að skoða nýtt dót - og ákvað að deila mínum pælingum hérna.

Í dag eru það skór frá FiveTen sem heita Water Tennie. Líta út fyrir að vera ekki of klossaðir - og ættu að komast fyrir í flestum bátum - fyrir utan kannski minnstu leikbátana. Þessi skór myndi passa fínt fyrir sjókajakróður - ekki síður en í strauminn.

Smá Old School fílingur.

Mjög tæknilegt allt saman.